Sejdiu: PDK ka kërkuar të kthehet Gjykata Ekonomike, ajo e kishte mbyllur vetë para gjashtë viteve

00:26 | 27 Shtator 2019
Trina Galanxhi

Dardan Sejdiu, nga koalicioni AAK-PSD ishte i ftuar sonte në emisionin DPT te Fidani në T7.

Sejdiu ndër të tjera në këtë takim ka folur edhe për një dekalratë në një fushatë të PDK’së ku kërkohej që të kthehej në funksionim Gjykata Ekonomike. Kjo Gjykatë do kishte për detyrë të merrej me krime ekonomike të cilat do parandalonin sjelljet e “këqija ekonomike” të cilat janë të kundërligjshme.

“PDK ka kërkuar që të kthehet Gjykata Ekonomike. Para gjashtë viteve e mbyllën vetë”, ka thënë Sejdiu.

“Ajo ka qenë gjykatë model e cila nuk ka landë pa zgjidhur. 90% janë kthyer si landë pozitive”

Tutje Sejdiu ka hedhur akuza mbi partitë që po japin premtime boshe të cilat, sipas tij, vetëm po riciklohen tash e 19 vite me radhë.